Ministrja e Mbrojtjes, Olta Xhaçka fton të rinjtë të studiojnë në Akademia e Forcave të Armatosura. “Dilemat më të mëdha të të rinjve sot janë studimet dhe punësimi. Zgjidhni Akademinë e Forcave të Armatosura dhe i keni zgjidhur të dyja. Nëse nuk e shfrytëzuat në fazën e parë, keni mundësi ta bëni tani”, shprehet ministrja. Po ashtu Xhaçka shton se “Akademia e Forcave të Armatosura ofron ndihmë të jashtëzakonshme gjatë studimeve dhe karrierë të sigurt pas përfundimit të tyre”.
Nëpërmjet një video, Xhaçka shprehet se, “atë që ofron Akademia e Forcave të Armatosura për maturantët s’e afron askush tjetër. Pagesa mujore ndihmëse për çdo student për të gjithë periudhën e studimit. Akomodim me ushqim falas për 3 vitet e studimit në Akademi. Tarifë 0 lekë në vit.”
