Një zjarr i përmasave të mëdha ka përfshirë një ndërtesë ku jetojnë 10 familje në lagjen “Kiras” në Shkodër, por fatmirësisht asnjë persona nuk ka mbetur i lënduar. Forca të shumta zjarrfikëse ndërhynë për të bërë të mundur shuarjen e flakëve.
Zjarri ra në një ndërtesë që dikur ka qenë konvikti i shkollës së veterinarisë, por tashmë jetojnë 10 familje. Edhe forcat e policisë ndodhen në vendin e ngjarjes ku pritet që pas shuarjes së flakëve, të nisin hetimet për të zbuluar shkaqet e rënies së zjarrit në këtë godinë.
