Një konflikt i dhunshëm ka ndodhur mëngjesin e së martës në Athinë mes pesë personave.
Sipas mediave greke bëhet me dije se një çift shqiptarësh janë dhunuar nga tre persona.Në videon e publikuar nga Protothema.gr, tre persona iu afruan 43-vjeçarit shqiptar dhe filluan ta dhunonin atë dhe gruan që ishte në makinën e shqiptarit.
Gjithçka ka ndodhur pak pas orës 10:00, kur të dy makinat ndodheshin në semafor në kryqëzimin e rrugëve Ieras Odos dhe Thebës.
Më pas për një arsye të panjohur drejtuesit e dy mjeteve kanë nisur të debatojnë dhe nga njëra veturë kanë zbritur tre persona të cilët janë nisur drejt çiftit që ndodhej në automjetin tjetër.
Ata iu afruan dhe filluan të rrahin si burrin 43 vjeç, ashtu edhe gruan e tij në të njëjtën moshë, e cila ishte ulur pranë tij.
Pak më vonë, në tentativë për t’u larguar nga vendngjarja, tre personat e kanë tërhequr zvarrë me makinën e tyre 43-vjeçarin dhe e kanë hedhur në tokë.
Çifti u dërgua me autoambulancën e EKAV-së në spitalin Thriasio, me informacione se nuk janë në rrezik për jetën, ndërsa hetimet vijojnë. Ndërkohë po punohet për gjetjen e tre personave që dhunuan çiftin.
