Një ishull i Estonisë, i quajtur Saaremaa, ka marrë pseudonimin nga banorët lokalë si “ishulli i koronës”. Kjo pasi vendi është bërë vatër e koronavirusit dhe banorët e turistët janë urdhëruar të karantinohen.
Askush nuk mund të ikë apo të hyjë në ishull pa posedimin e lejës. Ekspertët shprehen se numri i të sëmurëve bazuar me popullsinë është më i larti në Evropë. “Situata e infeksioneve me Covid-19 në Saaremaa dhe Kuressare është shumë serioze. Mund të kemi deri në 1 000 persona që do të kërkojnë hospitalizim deri më 20 prill. Kemi nevojë për ndihmë”, tha doktori Edward Laane.
Saaremaa ka 33 mijë banorë. Një pjesë e të sëmurëve po dërgohen në Estoni për të marrë tretman mjekësor. Sipas specialistëve, shkak për përhapjen e koronavirusit janë dy ndeshje të zhvilluara volejbolli.
