Bashkëshortja e kryeministrit Edi Rama, Linda, ka dhënë këtë të premte një intervistë për gazetaren Ilva Tare.
Ajo ka folur për mandatin e tretë të siguruar sërish nga Rama, duke thënë, se fitoret partiake nuk festohen në shtëpinë e tyre, pasi të qëndrosh në krye të vendit sipas saj, nuk është një triumf, por privilegj për të çuar përpara punët e nisura.
Ajo shprehet e bindur, se në këtë mandat qeverisës, Shqipëria do të shkojë aty ku e meriton që të jetë.
“Nga ana tjetër, doja të thoja këtë gjë që ne asnjë fitore të Edit, se janë disa fitore, janë gjithmonë fitore në një farë mënyre, të paktën për sa kohë unë jetoj me të, ne nuk e festojmë.
Asnjëherë nuk kemi festuar një fitore të zgjedhjeve të Edit sepse fitoret e partive në zgjedhje, nuk janë si fitore në sport, që ti je në një kampionat sporti, je më i miri, fiton një kupë, kupa është aty, është e pakontestueshme, e ke për gjithë jetën dhe i gëzohesh asaj kupe dhe vazhdon për kupën e radhës.
