Një ngjarje e rëndë ka ndodhur në fshatin Bilçë në Berat, ku një 41-vjeçare i ka dhënë fund jetës duke pirë fostoksinë. Ngjarja ka ndodhur mbrëmjen e djeshme, ku vetë viktima Sh. K., pasi ka pirë fostoksinën, ka marrë vëllain në telefon dhe i ka thënë “nuk mundem më vëlla, amanet fëmijët”.
Pas kësaj vëllai ma mbërritur menjëherë në banesën e motrës dhe e ka gjetur në gjendje kritike. Ai e ka dërguar fillimisht në Spitalin Rajonal Berat dhe më pas është transportuar drejt Spitalit të Traumës në Tiranë, ku gjeti vdekjen 15-minuta pas mbërritjes. Mësohet se gruaja kishte pirë 3 kokrra fostoksinë, pas një debati në telefon me bashkëshortin e saj, Ç. K., i cili prej një viti jeton në Selanik të Greqisë.
Ende është mister shkaku i vetëhelmimit të nënës së dy fëmijëve, ndërkohë që në lajmërinin e vjekjes nuk përmendet emri i bashkëshortit,vetëm prindërit,vëllai dhe fëmijët. Burime brenda familjes pohojnë se 41-vjeçarja ka kërkuar në momentet e fundit të jetës ta varrosnin në fshatin Banaj, pranë familjes së saj.
