Oficeri i policisë, Ajet Meçaj është përlotur gjatë vizitës së Kryeministrit Rama, teksa ka kujtuar dramën e 26 nëntorit. “Pse shpëtova, të kisha ikur dhe unë më mirë me ta’. Edi Rama ishte sot në familjen Meçaj nga Durrësi, e cila humbi tre pjesëtarë të saj nga tërmeti tr.agjik i 26 nëntorit. Nën rrënoja mbetën katër anëtarë, por vetëm babai i familjes, Ajeti arriti të dalë i gjallë, kurse gjyshja, vajza e tyre Diena dhe mbesa, Erisela humbën jetën. Rama tha se do ta mbështeste familjen Meçja për nevojat që do të kishte.
Ajeti tregon tmerrin e asaj nate duke theksuar se Diena e kishte ndjerë tërmetin dhe i kishte kërkuar që të shkonte në shtëpinë e tyre. ‘Nga ora 4-r, dëgjova që mbesa ulërinte nga frika dhe godina pësoi një goditje të fortë dhe u shemb.
Pasi dola nga pallati pastaj u ktheva që të thërrisja familjen. Vajza dhe mbesa na thërrisnin, babi, gjyshi na shpëtoni’, ka rrëfyer me lot në sy, Ajeti. Ai ka treguar momentet e dhimbshme te kërkimeve, ndërsa ka kërkuar qe te marre vetëm një pension qe te kaloje ditët e mbetura ne Itali, tek djali tjetër. Pak vite më parë, Diena kishte humbur edhe bashkëshortin e saj, Dorin pas një ataku kardiak.
