Një ndër krenaritë e Kryeministrit Edi Rama ka qenë gjithmonë partneriteti publik-privat për hemodializën. Por që në vitin 2016, pacientët janë ankuar pranë emisionit “Stop” se mungojnë reagentët për të bërë analizat specifike. Ndërsa në vitin 2017, Ministria e Shëndetësisë i reduktoi buxhetin e transportit këtyre pacientëve. Këtë radhë, emisioni “Stop” në Tv Klan ka trajtuar problematikën në spitalin e Gjirokastrës. Në këtë spital ka 52 pacientë që shkojnë nga qytetet e jugut dhe kanë probleme me transportin, kryerjen e analizave të caktuara dhe kostot e midekamenteve.
Pacient: Marr taksi 14 mijë Lekë dhe vij.
Gazetarja e Stop: Ja u siguron Ministria e Shëndetësisë këtë pagesën?
Pacient: Jo!
Gazetarja e Stop: Sa përfiton?
Pacient: 1 Euro. Ka urban thotë, të vish me urban. Unë s’vij dot.
Gazetarja e Stop: I kryen Spitali i Gjirokastrës analizat e feterinisë dhe paratenomonit?
Pacient: Jo. Pagova 40 mijë vetëm për disa 2-3 analiza që s’bëhen në spital. Sikur të mos mjaftonin këto, edhe kushtet në pavionin e hemodializës janë mjerane. Muret me lagështirë dhe myk, por nuk mungojnë as vendgrumbullime të mbeturinave.
Mjek: Aktualisht janë duke kryer procesin e hemodializës 53 pacientë. Vijnë nga rrethi i Sarandës, Delvinë, nga Përmeti, Këlcyra, nga Tepelena, Memaliaj, Gjirokastra, Libohova. Pacientët e largët nga Saranda, Tepelena, Përmeti, të vijnë turnin e parë për të bërë procesin e dializës. Dhe vendalinjtë vijnë pas atyre. Për arsye se ata vijnë nga larg dhe duhet t’u krijojmë komoditetin që të ikin shpejt në shtëpi.
Gazetarja: Kushtet higjieno-sanitare lënë për të dëshiruar. E keni ngritur ju si shqetësim? Mjek: Kushtet brenda gjatë procesit të hemodializës janë mëse normale. Tek korridori është ajo lagështia që ne kemi parë, por është e vjetër dhe ka ngelur. Pavarësisht se drejtoria e ka lyer deri më sot. Gazetarja: Ka pasur problematika përsa i përket analizave specifike të kësaj sëmundje dhe për sa kohë?
Mjek: Duhet që të pyesim lart. Për këtë çështjen e transportit realisht e kanë parashtruar. Me ato që thonë se nuk janë të kënaqur, ne me çmimin e rimbursimit, për arsye se atyre u shkon dyfish ose trefish ardhja dhe vajtja në banesën e tyre. Çmimi i rimbursimit është në bazë të listës së vjetër që ka pasur Ministria e Transporteve. Drejtori i spitalit të Gjirokastrës, i kontaktuar me telefon nga gazetarja e “Stop”, tha se ishte vetë me probleme shëndetësore.
Drejtori i spitalit Gjirokastër: O Odeta, unë jam në spital i sëmurë, po operohem. Në mungesë të tij, gazetarja e “Stop” bisedoi me drejtorin ekonomik Martin Merkaj, i cili tha se drejtoria ka për detyrë mirëmbajtjen e kushteve dhe jo investimet. Ndërsa pajisja e dializës kishte pësuar një probleme teknik dhe do të rregullohej.
Drejtori Ekonomik, Martin Merkaj: Nuk më intimidon dot aspak në rregullat e mia. Spitali rajonal nuk kryen investime, kryen vetëm mirëmbajtje. Kushtet ju i keni parë, pastërtia ka qenë absolute. Flasim për repartin e hemodializës tani. Ne i pastrojmë tre herë në javë mbeturinat. Para dy ditësh, një pajisje mjekësore ka pësuar defekt. E presim të riparohet sot. Juve nëse do të vinit nesër, sigurisht që nesër do të bëheshin ato analiza. Koincidencë që erdhët sot, dhe nuk bëhen analizat sot. Po të vini nesër sigurisht që do të bëhen. Për pjesën e transportit, atyre iu ribursohet, sipas listës së rimbursuar.
