Shpresa Guçe prej më shumë se një viti jeton në çadër bashkë me mbesën e saj 4 vjeçare dhe të bijën. Vetëm në muajin shkurt të 2021 ka përfituar një bonus qiraje”, deklaroi sot Nënkryetari i PD-së, Edi Paloka.
Gjatë vizitës së tij Paloka theksoi se, “Rama premtoi 8 vite më parë shëndetësi falas për të gjithë, por nuk bëri asgjë. Rama premtoi 4 vite më parë të ulë koston e jetesës dhe kosto e jetesës veçse është rritur. Tani ai po bën premtime të tjera boshe. Është koha për ndryshim”.
“Si rrjedhojë e varfërisë, Shpresa tregon se i biri është rrugëve dhe po përpiqet dëshpërimisht të gjejë mënyrën për t’u larguar me patjetër nga Shqipëria”, tha Paloka.
Paloka bën të ditur se, “Shpresa ka probleme shëndetësore kostot e të cilave nuk mund t’i përballojë pasi i kërkojnë të paguajë për ndërhyrjen kirurgjikale që i nevojitet. Deri më tani ndërhyrjen e ka shtyrë duke blerë ilaçe. Këto të fundit tashmë nuk ka më mundësi t’i përballojë nga ana ekonomike”.
