Ministria e Shëndetësisë tha sot se vijon të jetë serioze dhe e rënduar situata në Spitalin Infektiv. Në 24 orët e fundit ka shtim të pacienteve të shtruar, ku aktualisht janë 85 pacientë në spital, dhjetë pacientë janë në terapi intensive dhe katër prej tyre janë të intubuar, në gjendje të rëndë. Në një postim në rrjetet sociale, ministrja Ogerta Manastirliu ka publikuar foton e kryeinfermieres e cila kujdeset për një person të sëmurë dhe bën apel për kujdes. Ajo iu referohet mjekëve të cilët thonë se kjo sëmundje është tinzare dhe plot të papritura.
POSTIMI I PLOTË 📍SPITALI INFEKTIV Kjo është kryeinfermiere Merita Sefa, e cila po i shërben njërit prej pacientëve, që aktualisht po trajtohet për simptomat e rënda të virusit të rrezikshëm në spitalin infektiv. Nuk është lojë, rrezikohet jeta! Sepse, siç thonë mjekët, të cilët janë çdo ditë pranë pacientëve, sëmundja është tinzare! A mundemi ne ta kufizojmë përhapjen e COVID19? PO, nëse secili prej nesh tregon kujdes në përditshmëri🙏🏼 Nuk është zgjidhje trajtimi në spital, por parandalimi:
↔️Respekto distancën
😷 Vendose maskën
🧼Ruaj higjienën vetjake dhe kolektive
🤜#COVID19🤛
