Shpejtësia mbi normat dhe parakalimet e gabuara kanë sjell një tjetër aksident mbrëmjen e ditës së sotme në aksin rrugor Vlorë-Levan. Burime zyrtare nga Policia e Vlorës bëjnë me dije se si pasojë e aksidentit kanë mbetur të plagosur 3 persona ku njëri prej tyre është në gjendje të rëndë.
Në vendngjarje kanë mbërritur dy autoambulanca, të cilat kanë dërguar të plagosurit në spitalin e Vlorës. Në këtë aksident mësohet se janë përfshirë 2 makina, përkatësisht mjeti tip ‘Benz’ që drejtohej nga shtetasi D.S., dhe mjeti tip ‘Kama’, drejtuesi i të cilit është plagosur. Në videon e siguruar ekskluzivisht nga Vlora News shfaqet momenti kur një nga të plagosurve i jepet ndihma, bëhet fjalë për një grua e cila është e shtrirë përtokë!
