Episode shumë të rënda të keqtrajtimit të invalidëve të asistuar në shtëpinë e të moshuarve “Suor Rosina La Grua” në Castelbuono, në zonën e Palermos janë zbuluar dhe dokumentuar nga autoritetet italiane. Janë zbatuar 35 urdhra sigurie ndaj po aq personave të akuzuar, në pozita të ndryshme, për torturë, keqtrajtim, rrëmbim, korrupsion, mashtrim të rëndë për marrjen e fondeve publike.
Hetimet e njësisë së policisë ekonomike-financiare të Palermos kishin të bënin me një organizatë jofitimprurëse, e cila menaxhon shërbime rehabilitimi për 23 pacientë me aftësi të kufizuara të rënda.
Dhjetë të dyshuar janë dërguar në burg, shtatë janë arrestuar në ‘arrest shtëpiak’, pesë janë detyruar të qëndrojnë në komunën e vendbanimit dhe trembëdhjetë janë marrës të masës ndalim të ushtrimit të veprimtarisë profesionale për një vit. Ajo që del nga përgjimet e kryera në shtëpinë e të moshuarve është dramatike. Në dhomën e “relaksimit”, të ftuarit mbaheshin në peshë, mbylleshin brenda dhe goditeshin me shkelma e grushte. Më pas ata u ofenduan: “peder”, bërtiti një operator dhe pas një goditjeje tjetër mbylli derën.
“Është një çmendinë, një kamp përqendrimi nazist”, komentuan disa operatorë të qendrës, duke mos ditur se po përgjoheshin, ndërsa njëri nga pacientët bërtiste: “Doktor, më lër të dal. Thamë pesë minuta, marrëveshjet mbahen, marrëveshjet mbahen”.
