Disa ditë më parë SHBA u godit nga tornado të njëpasnjëshme, të cilat shkaktuan më shumë se 70 viktima si dhe shkatërruan shumë shtëpi. Mes atyre që ngelën në “qiell të hapur” pas dëmtimit të shtëpive është edhe një shqiptar. Bëhet fjalë për Gentian Eminin. Sipas tij, atij iu deshën 6 vite për të ndërtuar shtëpinë e cila u shkatërruar brenda pak sekondash.
“Për pak sekonda, njerëzit vdiqën, njerëzit humbën më të dashurit e tyre, humbën makinat, shtëpitë. Thjesht është bërë një fatkeqësi e madhe.”-tha Emini. Ai ka thënë se shtëpia dykatëshe që kishte ndërtuar për vete dhe familjen e tij kap vlerën e 150 mijë dollarëve.
Më konkretisht, 27-vjeçari u shpreh:
Këtu ishte shtëpia ime dykatëshe të cilën po e ndërtoja për veten e familjen time. Isha në proceset e fundit të shtëpisë e më thanë se nuk mund të ma siguronin. Kam humbur mbi 150 mijë dollarë. Jemi të shokuar ende, nuk kemi më kursime sepse për 6 vite me radhë kam hedhur të gjitha kursimet e mbledhura në punë, në këtë shtëpi. Është e pabesueshme, kurrë nuk e mendon se diçka që e ke ndërtuar ta gjesh në këtë gjendje. Shpresoj e lutem që kjo kurrë të mos i ndodhë askujt, asnjëherë.
