Pas më shumë se sa 3 orë “luftë” në ambientet e selisë së PD-së nga mbështetësit e Berishës, kanë mundur që të dalin nga selia deputetët demokratë.
Pas precipitimit të situatës në dhunë dhe kaos, deputetët e Bashës janë ngjitur në tarracë duke lajmëruar edhe policisë nga frika e ndonjë përpalljeje fizike me protestuesit.
Pasi polica ka ndërhyrë për shpërndarjen e protestuesve me gaz lotsjellës dhe ujë, deputetët demokratë dhe drejtuesit e PD-së janë “ngujuar” në tarracën e PD-së.
Ata kanë dalë të shoqëruar nga policia nga ambientet tashmë të shkatërruara totalisht nga dhuna e mbështetësve të demokratëve.
Në fotot e publikuara nga LSA mund të shihet që dalin nga dera dytësore e PD-së deputetët Agron Gjemarkaj dhe Ferdinad Xhaferri.
Ndërkohë policia e ka shpallur si një skenë krimi selinë e PD-së dhe nuk ka lejuar as gazetarët që të futen në seli për shkak të marrjes së provave.
