“Po ikën Tetori por Vetting në polici nuk ka, pasi 534 drejtues të lartë të policisë së Shtetit, janë verifikuar se i kanë shërbyer policisë, si oficerë, spiunë apo të dyja bashkë”.
Kështu ka deklaruar deputeti Gent Strazimiri në një dalje për mediat.
Deputeti i opozitës tha se PD është vënë në dijeni se verifikimi është ndërprerë pas një takimit të autoritetit të dosjeve Gentiana Sula me dhe drejtorit të përgjithshëm të Policisë së Shtetit Ardi Veliu.
“Veting në polici nuk ka pasi është verifikuar se 534 oficerë kanë shërbyer në strukturat e Sigurimit të Shtetit si drejtues apo spiunë. Është verifikuar gjithashtu se kupola e lartë e policisë së shtetit rezulton të jetë e lidhur kryekëput më organizatën më gjakatare të ish-vendeve komuniste, Sigurimin e Shtetit. Skandali po mbahet i fshehtë nga ministri Fatmir Xhafaj, një ish-hetues i rregjimit të diktaturës, por gjurmët e këtij skandali janë lënë në zyrat e autoriteit të dosjeve. PD është vënë në dijeni se verifikimi është ndërprerë pas një takimit të autoritetit të dosjeve Gentiana Sula me dhe drejtorit të përgjithshëm të Policisë së Shtetit Ardi Veliu. Ky i fundit është informuar zyrtarisht për 534 drejtues të rangut të lartë të policisë së shtetit si pjesë e sigurimit të shtetit. Situata alarmante e rikthimit të sigurimit në drejtim të policisë është bërë alarmante nga PD që në vitin 2014”.
Deputeti i kërkoi Gentiana Sulës në emër të opozitës të bëjë publike pa vonesë listën e 534 drejtuesve të lartë të shtetit.
“PD i kërkon Gentiana Sulës të mos bëhet vegël e sigurimit të shtetit por të bëjë publike pa vonesë listën e 534 drejtuesve të lartë të shtetit të lidhur me sigurimin”.
