Pas ditëve gri me vranësira të shpeshta, moti sot do të jetë i kthjellët dhe me vranësira të lehta që do të dominojnë në bregdet dhe në zona të ulta, dhe që do të mbeten njësoj në fundjavë.
Sipas Meteoalb ditën e sotme vranësira të shpeshta do të paraqiten edhe në zonët juglindore duke rrezikuar reshje të dobëta shiu dhe dëbore gjatë mëngjesit.
Pasditja dhe mbrëmja parashikohen që të mbetën me kthjellime dhe vranësira të herëpashershme në të gjithë Shqipërinë. Era do të fryjë mesatare deri e fortë me shpejtësi 40-45 km/h nga drejtimi verilindor duke krijuar në det dallgëzim mbi 4 ballë.
Përsa i përket temperaturave të ajrit, ato do të ulen sërish në mëngjes dhe mesditë duke luhatur vlerat ditore nga 3 gradë celscius në 15 gradë celcius. Sinoptikanët parashikojnë përmirësim të kushteve të motit edhe për ditët në vijim, pavarësisht luhatjes së temperaturave.
