Një lajm i trishtë mbërrinë nga Turqia për familjen Muça. Pas tre muajve të kaluara në gjendje kome, 14 vjeçari, Renis Muça nuk ka mundur t’i shpëtojë plagëve të marra në aksidentin e rëndë të ndodhur në korrik, duke humbur jetën. Renisi i vogël ishte tifoz i klubit të Partizanit, skuadër të cilin e ndiqni në çdo sfidë nga shkallët e stadiumit. E pas këtij lajmi të keq nuk kishte si të mungonte ngushëllimi nga klubi 16 herë kampion i vendit.
“PËRJET MES NESH RENIS! FK Partizani përcjell ngushëllimet më të sinqerta familjes Muça, për humbjen e Renisit. Tifozi 14 vjeçar, pas atij aksidenti të rëndë në korrik, ku qëndroi për tre muaj në koma, në luftë për të mposhtur vdekjen, ka ndërruar jetë sot në Turqi. Do të mbetesh gjithmonë pjesë e familjes së kuqe Renis.U prehsh në paqe engjëll”!- shkruan klubi i Partizanit në faqen zyrtare në “Facebook”.
