Ajas Sulejmani, 37-vjeçari i cili ditën e dielë përplasi çiftin Konomi dhe foshnjën e tyre 3 muajshe në rrugën e Kavajës teksa ishin duke kaluar vijat e bardha, ka deklaruar se ka qenë me shpejtësi rreth 40 km me orë dhe përpara semaforit ka tentuar që të frenonte.
Në dëshminë e dhënë Sulejmani ka thënë se nuk kishte qëllim të largohej nga vendi i aksidentit, por në makinë kishte dhe vajzën e tij 5-vjeçare, prandaj dhe u detyrua që të shkonte në spital.
“Sapo u bë i kuq kam nisur të frenoj, por nuk më mbajtën frenat. Në lidhje me largimin nga vendi i aksidentit deklaroj se nuk kam patur qëllim të iki, por duke qenë se ishte dhe vajza ime e mitur u largova. Kisha dhe vajzën time pesë vjecare dhe bashkë me të kam shkuar në spitalin privat pasi vajza ime dhe unë ishim të traumatizuar nga ky aksident”, ka thënë Sulejmani.
Prokuroria e Tiranës, do të kërkojë “Arrest me burg”, për Suulejmanin pasi ndaj tij janë ngritur kuzat për, shkelje të rregullave të qarkullimit me pasojë plagosjen e më shumë se dy personave, drejtim të autromjetit në mënyrë të parregullt nën ndikimin e drogës, largim nga vendi i aksidentit.
