Sapo ka varur këpucët në gozhdë në fund të sezonit të kaluar, por Petr Cech është gati për një tjetër aventurë. Në moshën 37 vjecare ish-portieri i Chelsea e Arsenal ka hequr dorë nga futbollit për tiu dedikuar hockey në akull, pasi ka firmosur kontratën me Guildford Phoenix, skuadra që militon në divizionin e dytë të National Ice Hockey League angleze. Të dielën debutimi, natyrisht në portë. “Pas 20 vjetësh futboll profesionist, do të jetë një eksperiencë e mahnitshme të bësh sportin që dashuron e që e luaja fëmijë” ka thënë ish-futbollisti.
Pasi është përballur për 20 vjet me sulmuesit më të mirë në botë, Petr Cech kalon nga pritja e topave tek ato të diskut. “Jam i lumtur që kam mundësinë të luaj me Phoenix – ka shtuar – Shpresoj të mund të ndihmoj këtë skuadër të re të arrijë objektivat sezonalë e të përpiqemi të fitojmë sa më shumë ndeshje, kur të kem mundësinë të luaj”.
