Gjykata Administrative ka pezulluar nga detyra nënkryetari e bashkisë së Vorës, Genti Picari.
Ai u emërua në këtë detyrë nga ish-kryebashkiaku Agim Kajmaku, një ditë pasi ky i fundit ishte shkarkuar nga Komisioni Qendror i Zgjedhjeve, pasi ishte subjekt i ligjit Dekriminalizimit.
Kajmaku para se të shpallej në kërkim, shkarkoi dy nënkryetarët e bashkisë dhe i kaloi kompetencat e kryetarit Genti Picarit, duke e emëruar nënkryetar.
Ish-kryetari i Bashkisë së Vorës, Agim Kajmaku, është prej tre muajsh në kërkim nga Policia, pasi gjykata e Tiranës ka caktuar masën e sigurimit “arrest me burg”, si i dyshuar për “falsifikim formulari”, “falsifikim dokumentash” dhe “përvetësim posti”.
