Një plagosje me breshëri kallashnikovi ka ndodhur në qytetin e Kavajës rreth orës 11:10. Burime bëjnë me dije se i plagosuri është Rexhep Tare 53-vjeç ndërsa autori që tashmë është arrestuar nga policia quhet Fitim Baboçi 31-vjeç. Këtij të fundit i është sekuestruar edhe arma e zjarrit kallashnikov.
E gjithë ngjarja ka ndodhur pranë bashkisë së vjetër, ku i plagosuri kishte një lokal të vogël dhe ka qenë duke ecur, ku autori Fitim Baboç ka hapur zjarr me breshëri ndaj tij. Kanë qenë dëshmitarët e rastit dhe të shoqëruarit në polici që kanë ndihmuar duke dhënë detaje për autorin i cili u kap vetëm disa metra larg vendit ku kreu krimin.
Burime bëjnë me dije se fatmirësisht 53-vjeçarin e ka kapur vetëm një plumb dhe është jashtë rrezikut për jetën. Autori dhe i plagosuri kishin njohje me njëri tjetrin pasi ishin nga e njëjta zonë. Dyshimet e policisë janë se dy personat në fjalë kishin një konflikt të vjetër mes tyre dhe gjërat janë agravuar deri në përdorimin e armës së zjarrit.
Si pasojë e të shtënave janë dëmtuar edhe xhamat e disa bizneseve për rreth si dhe është rrezikuar jeta e kalimtarëve të rastit.
