Policia ka vendosur në pranga 22-vjeçarin Ensi Shtubina, i akuzuar për plagosjen me armë zjarri të një 24-vjeçari në dhjetor 2024.
I riu Ensi Shtubina u kap në lagjen “Rus” dhe gjatë kontrollit fizik iu gjet një pistoletë me municion.
Nga verifikimet rezultoi se ndaj tij ishte caktuar me masë sigurie “Arrest në burg”, pasi akuzohet se më 23 Dhjetor 2024, gjatë një konflikti të çastit, në lagjen “Skënderbeg”, plagosi me armë zjarri Arsen Beqirin.
22-vjeçari, banues në Shkodër, u vendos në pranga, ndërsa u sekuestrua pistoleta me municionin e saj.
Njoftimi i policisë:
Shkodër/Finalizohet operacioni policor i koduar “Kontigjenti”.
Lëvizte me pistoletë me vete, teksa ishte në kërkim për plagosjen me armë zjarri të një 24-vjeçari, në dhjetor 2024, vihet në pranga 22-vjeçari.
Sekuestrohet pistoleta me municionin e saj.
Si rezultat i intensifikimit të patrullimeve në të gjithë territorin e qarkut, dhe i punës së inteligjencës policore, me qëllim konstatimin e rasteve kur shtetas me precedent kriminal, lëvizin të armatosur, për të kryer ngjarje kriminale, shërbimet e Komisariatit të Policisë Shkodër finalizuan operacionin policor të koduar “Kontigjenti”.
Në kuadër të këtij opeacioni, u arrestua në flagrancë, në lagjen “Rus”, shtetasi E. Sh., 22 vjeç, banues në Shkodër. Gjatë kontrollit fizik iu gjet një armë zjarri pistoletë me municion.
Nga verifikimet e mëtejshme rezultoi se ky shtetas ishte me masë sigurie “Arrest në burg”, pasi akuzohet se më datë 23.12.2024, gjatë një konflikti të çastit, në lagjen “Skënderbeg”, ka plagosur me armë zjarri, shtetasin A. B..
Materialet procedurale iu referuan Prokurorisë së Shkodrës, për veprime të mëtejshme.
