Donald Trump ka bërë një gafë në Twitter, të cilën e ka rregulluar menjëherë por nuk i ka shpëtuar syrit të ndjekësve të tij. Republikani që kandidon sërish për President shkroi: “Ne jemi më lart, por ata po përpiqen të vjedhin zgjedhjet. Ne nuk do e lejojmë të bëjnë këtë. Votat nuk mund të vidhen pasi të përfundojnë votimet!”
Gabimi i tij qëndronte tek fjala “polls”, të cilën fillimisht e shkroi “poles” dhe në gjuhën shqipe do të thotë ‘tub’. Nuk munguan batutat në rrjet për këtë gafë të Trump, e cila u përhap menjëherë duke u bërë virale.
Pas kësaj, rrjeti social Twitter përdori një shkrim paralajmërues duke thënë se disa nga përmbajtjet “janë të diskutueshme dhe mund të jenë mashtrime në lidhje me zgjedhjet “.
Kjo ndodhi disa orë para se Trump të dilte në podiumin e Shtëpisë së Bardhë për të përsëritur mesazhin e tij ndërsa zhvilloheshin votime në të gjithë Amerikën.
