Marash Kumbulla vijon të shkëlqejë me paraqitjet e tij në Serie A me fanellën e Hellas Veronës.
Mbrojtësi shqiptar është pa diskutim një nga zbulimet e kampionatit italian duke marr vëmendjen e shumë klubeve prestigjioze të Evropës. Falë performancave të tij Kumbulla bashkë me Luis Alberton e Lazios janë dy lojtarët që kanë pësuar më shumë rritje gjatë 2 muajve të fundit.
Vlera e kartonit të 20-vjeçarit kuqezi ka kapur shifrën e 25 milionë eurove dhe bashkë me Thomas Strakoshën është një nga dy futbollistët kuqezi që vlerësohen më shumë në tregun e transferimeve.
