Mbështetja ndaj grave me problematika të ndryshme sociale, ekonomike e ligjore ishin në fokus të një takimi të zhvilluar sot në Pogradec. Në mbyllje të vitit 2019-të në Qendrën Ndërkulturore Multifunksionale Pogradec, u mblodh Grupi Teknik Multifunksional nga Zyra e Grave të Dhunuara dhe Barazisë Gjinore, si dhe nga Zyra e Njësisë për Mbrojtje e të Drejtave të Fëmijëve në Bashkinë Pogradec.
Në takim ishin prezentë përfaqësues nga shoqata “Unë Gruaja” dhe “Fundjavë Ndryshe”, të cilët ofrojnë mbështetjen e tyre në paketa ushqimore dhe ndihmë juridike. Rastet që janë në proces, janë në nivele të riskut të mesëm dhe po menaxhohen me interesin më të lartë për të bërë të mundur zgjidhjen e duhur.
