Një incident është shënuar sot në ambientet e Gjykatës së Pogradecit për një ngjarje të ndodhur vitin e kaluar. Gjyqtari i një çështjeje është penguar të futet në ambientet e gjykatës nga miqtë e personit që ndodhej nën akuzë raporton A2.
Sipas raportimeve, në vitin 2019 një mjet BMW X6 është djegur në afërsi të zonës industriale në Pogradec. Makina ishte në pronësi të biznesmenit J.M. Ndërsa autori i dyshuar për zjarrvënien ishte M.T., i cili aktualisht ndodhet në burg. Sot, teksa pritej seanca e radhës, raportohet se persona të afërt me të akuzuarin M.T. kanë tentuar të pengojnë hyrjen e tij në gjykatë. Madje, A2 thotë se një prej tyre ka goditur edhe rojën e institucionit.
Pas incidentit ata janë shoqëruar në komisariat, teksa policia bën me dije se janë sekuestruar edhe kamerat e institucionit për të zbardhur ngjarjen.
