Në protestën e zhvilluar nga qytetarët në sheshin ‘Skënderbej’ ka pasur përplasje mes policisë dhe qytetarëve që protestojnë për mbrojtjen e të drejtave njerëzore të Palestinës. Edhe pse protesta ishte paqësore uniformat blu ndaluan qytetarët që të protestojnë, duke i shpërndarë këta të fundit me dhunë, ndërsa disa të tjerë i shoqëruan në komisariat.
Ndërkohë, pretendimi i policisë se tubimi nuk lejohet për shkak të pandemisë ka revoltuar qytetarët. Kjo për shkak se po në të njëjtin shesh disa orë më vonë do të mbahet një koncert. Një grua e cila është prezantuar si turke dhe ka thënë se kjo që po bëhet është “Haram”. “Unë jam turke, haram ju qoftë, ky është haram”,-ka thënë qytetarja.
