Studentët e Fakultetit të Historisë dhe Filologjisë po vijojnë bojkotin e mësimit.
Ditën e sotme në ambientet e këtij fakulteti kanë hyrë disa efektivë policie për inspektim.
Sipas studentëve këto lloj ndërhyrjesh janë një formë kërcënimi ndaj tyre.
Ata thanë se i kanë kërkuar policisë që t’i tregojë mandatin e kontrollit, por kjo e fundit nuk e ka bërë një gjë të tillë.
Bazuar në ligj, policia ka të drejtë të ndërhyjë në Universitet kur ka dhunë dhe trazira, ose në rastet kur kërkohet nga titullarët.
Përderisa policia nuk ka paraqitur mandatin e kontrollit, ndërhyrja e tyre në Universitet është në shkelje të plotë me ligjin.
