Gazetari në Beograd, Idro Seferi, ka zbuluar disa detaje në komunikimin mes tij dhe presidentiT serb, Aleksandër Vuçiç, gjatë konferencave për shtyp.
“Shumë shpesh presidenti Vuçiç në konferenca krijon interaksion me gazetarët dhe sidomos kur flet për Kosovën e ka qejf të përdorë fjalë shqip dhe më pyet se a është mirë dhe unë ia kthej që ‘po’”, ka treguar ai në Info Magazine.
“Vuçiç po ashtu Ferizajt nuk i thotë në serbisht Uroshevac, por në shqip duke tentuar të tregojë se e njeh situatën”, rrëfen gazetari.
Ndërkaq, Seferi ka treguar edhe për një pyetje që i ka bërë ministrit të Jashtëm, Ivica Daçiç, për Kosovën.
“E kam pyetur se kur do të ndërpresë së lobuari kundër pavarësisë së Kosovës dhe ai më tha se kur të ndalojë Shqipëria së lobuari pro pavarësinë e Kosovës”.
Situata mes Kosovës dhe Serbisë ka qenë e tensionuar kohëve të fundit, për shkak se qeveria e drejtuar nga Ramush Haradinaj, ka vendosur taksë 100% për mallrat serbe, derisa Serbia të njohë pavarësinë e Kosovës.
