Prefekti i Qarkut Vlorë, Z. Flamur Mamaj, mikpriti ditën e sotme Ambasadorin Japonez Z. TAKADA Mitsuyki, për të çuar më tej bashkëpunimet e ndërmarra sëbashku. Gjatë takimit, Ambasadori vendosi theksin në katër çështje kryesore: Bashkëpunimi i frytshëm me biznesin e fermave të peshkut Ton. Ideja e gjenerimit të energjisë së rinovueshme në qark.
Bashkëpunimi ne fushën e turizmit përmes promovimit të destinacioneve turistike e të vlerave të veçanta të produkteve dhe atraksioneve turistike. Bashkëpunimi me bashkitë e qarkut përmes ofrimit të granteve në lidhje me pajisje mjeksore, ambulanca etj. , si dhe në sektorin e mbrojtjes civile. Prefekti prezantoi potencialin e Qarkut Vlorë, shprehu dëshirën për të vazhduar më tej bashkëpunimin si dhe mirënjohjen e tij për mbështetjen që Japonia ofron. Gjithashtu falenderoi Ambasadorin që pranoi ftesën pas takimit privat të zhvilluar në Sarandë.
