Dy persona janë arrestuar, një ndiqet në gjendje të lirë dhe një tjetër është shpallur në kërkim për vjedhjen e disa banesave. Ata akuzon se kanë vjedhur orendi të ndryshme shtëpiake në disa banesa.
Gjithashtu është vendosur masa e sekuestros preventive për pikën e shitjes, në të cilën këta persona tregtonin sendet e vjedhura, një pjesë e të cilave u sekuestrua në cilësinë e provës materiale. Të arrestuarit janë; K.I. 28 vjeç, i dënuar me parë disa herë për vjedhje dhe K.S. 26 vjeç.
Grabitjet për të cilat akuzohen;
Në datë 04.08.2018, është vjedhur banesa e shtetases M.K, në lagjen nr.12, ku është marrë një televizor.
Në datën 16.10.2019, janë vjedhur banesat e shtetasit Th.Ç, dhe shtetases P.G, në lagjen nr.4, ku janë vjedhur tre televizorë dhe tre soba.
Në datën 18.10.2019, është vjedhur banesa e shtetasit I.K, në lagjen nr.1, ku kanë marrë sende dhe orendi të ndryshme shtëpiake.
K.I; A.K dhe T.L, sendet e vjedhura në banesa, të cilat u sekuestruan në cilësinë e provës, i shisnin më pas tek pika e tregtimit të shtetasit K.S, në lagjen nr.8 të qytetit, ndaj së cilës u vendos masa e sekuestros preventive.
