Në 15-vjetorin e LSI-së ish-kryetari i kësaj force, tashmë President, Ilir Meta kujton ndryshimet Kushtetuese të vitit 2008. Kreu i shtetit thotë se beteja për parimin e ndarjes se pushteteve është e shenjtë edhe sot pas 11 viteve.

“Ne kurrë nuk mund të pranojmë dhe nuk do të bëjmë asnjë kompromis me atentatin kushtetues të 21 prillit, sepse për ne parimi i ndarjes se pushteteve është i shenjtë, është jetik, është vetë vija ndarëse mes demokracisë dhe diktaturës” thotë Presidenti 11 vite më parë, teksa statusin e shoqëron me një video gjatë një mitingu elektoral, ndërsa shkruan “Edhe sot më e vërtetë dhe aktuale se 11 vite më parë“.

Mbrëmë LSI-ja festoi 15 vjetorin, por Ilir Meta nuk ishte i pranishëm. Burime për Shqiptarja.com bënë me dije se presidenti ka pasur ftesë të posaçme për të qenë pjesë e gostisë por siç duket ka zgjedhur të mos shkojë.