Lidhur me lajmin e procedimit të kreut të opozitës Basha në Durrës, ish-deputeti i PD-së Flamur Noka tha se kryetari i opozitës po përballet me akuza dhe përbaltje. Noka shtoi se kreut të opozitës nuk mund t’i thuhet që të marrë leje te e-albania për të dalë.
Flamur Noka: Basha është përballur si asnjë kryetar opozite në historinë e demokracisë, me akuza dhe përbaltje. Edhe çështjet e lobimit rus janë të sulme të stisura nga rilindja dhe një përrallë. Populli ka një shprehje që thotë se e vërteta vonon dhe nuk harron. Si në të gjitha makinacionet rezultoi se sajesat e Rilindjes janë ordinere dhe nuk ia vlen të merresh. Nuk kam dijeni që Basha të jetë proceduar, por nëse do të ishte i vërtetë do të ishte një lajm qesharak. Kryetarit të opozitës nuk mund t’i thuash mos dil. Mos të presë Edi Rama apo banda e Rilindjes që kreu i opozitës të marrë leje nga e-albania. Do të doja ta besoj që kjo është e pavërtetë, se do të ishte qesharake.
