Categories Lajme

Protesta ‘Anti-Vuçic’ në Beograd, mijëra serb në shesh

Në Beograd, për të tretën javë radhazi, me dhjetëra qytetarë kanë protestuar kundër presidentit Aleksandër Vuçiç. Protestuesit, akuzojnë kreun e shtetit serb se ka vendosur një regjim autokratik dhe po ushtron kontroll të plotë mbi medien. Protestuesit mbanin parulla ku shkruhej “një në pesë milionë”, duke ju referuar një deklarate të hershme të Vuçiç, sipas të cilit edhe po të mblidheshin pesë milionë njerëz në rrugë, ai nuk do i dorëzohej kërkesave të tyre.

Dhjetëra mijëra demonstrues të mbështetur nga partitë opozitare marshuan në Beograd duke bërë thirrje kundër presidentit Aleksandër Vuçiç, duke e akuzuar se ka vendosur një regjim autokratik dhe po ushtron kontroll të plotë mbi medien. Demonstruesit me pankarta në duar kërkuan dorëheqjen e kreut të shtetit duke e akuzuar atë se ka krijuar një pushtet autokrat dhe se po përdor mediet publike për të sulmuar kundërshtarët politikë. Për të tretën javë radhazi, protestuesit lëshuan thirrje të forta kundër kreut të shtetit duke mbajtur parulla me mbishkrimin “një në pesë milionë”, për t’ju referuar një deklarate të mëparshme të presidentit Vuçiç, sipas të cilit edhe po të mblidheshin pesë milionë njerëz në rrugë, ai nuk do i dorëzohej kërkesave të tyre.

Thirrje u bënë edhe kundër politikave qeverisëse me qëllim përmirësimin e standardeve të zgjedhjeve në vend. Disa parti opozitare nënshkruan një dokument për të kërkuar masa më efektive për parandalimin e abuzimit me fondet publike gjatë periudhës së fushatave elektorale, kontrollin e procesit zgjedhor, si në Serbi, edhe në Kosovë, dhe ndëshkimin sipas kodit penal të individëve që abuzojnë me fushatën. Presidenti Vuçiç tha në reagimin e tij për protestuesit se ai nuk do të pajtohej me kërkesat e tyre, dhe se zgjidhja më e mundshme do të ishin zgjedhjet e parakohshme.

Sipas organizatorëve, në protesta morën pjesë rreth 40 mijë persona. Në komentet e tij për protestën më të fundit, presidenti Vuçiç i sfidoi demonstruesit që të vazhdojnë manifestimet në mënyrë paqësore dhe pa dhunë, por tha se njerëzit e kuptojnë shumë mirë se, pas çdo demonstrate, ai dhe partia e tij bëhen edhe më të fortë. Çdo të shtunë në Beograd organizohen tubime të tilla duke shënuar demonstratat më të mëdha që opozita ka mbajtur prej pranverës së vitit 2017, kur mijëra serbë të rinj protestuan me javë kundër zgjedhjes së presidentit Vuçiç si kryetar shteti. Organizatorët kanë paralajmëruar të mbajnë protestën e ardhshme më 16 janar, në përvjetorin e vdekjes së politikanit serb në Kosovë, Oliver Ivanoviç, vrasja e të cilit rriti tensionet mes dy vendeve.

b.xh.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

Video/Ja momenti kur avokati Sokol Mëngjesi dhunohet para derës së kopshtit

Publikohet video nga momenti kur avokati Sokol Mëngjesi dhunohet para derës së kopshtit. Siç shihet…

LEXO ME SHUME
Categories Lajme

Nëna dhe babai kërkojnë djalin e humbur prej 4 muajsh, i riu i surprizon live: Jam mirë

Mes lotësh dy prindër nga Elbasani, Bujar dhe Fiqerete Çepa mbërritën pasditen e kësaj të…

LEXO ME SHUME
Categories Lajme

FOTO-EMRAT/ Identifikohen 4 autorët që dhunuan avokatin Sokol Mëngjesi

Policia e Tiranës ka identifikuar katër autorët që dhunuan avokatin Sokol Mëngjesin, mëngjesin e kësaj…

LEXO ME SHUME
Categories Lajme

Vlorë/Vijon megaoperacioni policor i koduar “Tempulli 3”Vihet në pranga një 27-vjeçar, të cilit iu gjet në automjet, një sasi lënde narkotike e ndarë në rreth 530 doza

Vlorë/Vijon megaoperacioni policor i koduar “Tempulli 3”, goditet një rast i shitjes së lëndëve narkotike,…

LEXO ME SHUME
Categories Lajme

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2 shtetas

Vlorë, Vodhën një sasi karburanti nga kamioni i një firme ndërtimi, identifikohen dhe arrestohen 2…

LEXO ME SHUME