Ditën e sotme ish-kryeministri Sali Berisha mbajti protestën e radhës në selinë e PD-së, gjatë së cilës pati edhe incidente dhe persona të plagosur.
Po ashtu u hodh dhe gaz lotsjellës kundrejt protestuesve, gjë që u rrezikoi jetën. Ndërkohë policia vijon me ndëshkimet dhe deri më tani ka shoqëruar në komisariat mbi 50 persona, mes tyre edhe këngëtari Stresi.
Policia e Shtetit bëri të ditur se “do të sekuestrohen në cilësinë e provës materiale të gjitha provat, në funksion të hetimit, si dhe do të kryhet me rigorozitet e paanësi të plotë ligjore, çdo veprim procedural i nevojshëm, me qëllim zbardhjen e plotë të të gjithë dinamikës së kësaj ngjarjeje dhe identifikimin e autorëve të përfshirë në akte dhune, për të garantuar nxjerrjen e tyre pa dallim, para drejtësisë”- thuhet në njoftimin e policisë.
