Protestën e 21 janarit që pasoi me vdekjen e disa personave në bulevardit “Dëshmorët e Kombit” është komentuar nga gazetari investigativ, Artan Hoxha.
I ftuar në studion e lajmeve në Report TV, Hoxha ka treguar shkurt peripecitë e asaj dite, ndërsa ka theksuar se 8 vite më pas, për këtë ngjarje s’është vënë drejtësi dhe presidenti Ilir Meta, për të cilin u protestua në 21 janar, largohet çdo vit nga vendi.
Artan Hoxha u shpreh:
Kisha më shumë përvojë se të tjerët në terren. Drejtori i redaksisë dhe kryeredaktori s’ishin. Gjeta montazhierin në redaksi dhe redaktorja përgjegjëse. Ishte një situatë kur tv po boshatisej. Bëra debat me regjisorin, që ishte duke parë pamjet. Më tha që po kërkonte pamjet e vrasjes, i thashë po ju si keni nxjerrë pamjet e vrasjes. Më tha ishim në transmetim, por s’i kemi parë më. U kujtova që kameramani ishte atje duke filmuar nga lart. I thashë hape tek minuta 56 dhe rezultoi që ishte pamje edhe kur ai qëllonte edhe ai që vritej. Kemi njoftuar drejtuesit e TV.
Mu kërkua të hyja në studio, s’kisha as xhaketë. Më pas hyra unë. Sot 8 vite më pas, është ngjarja më e dokumentuar, e filmuar që bëri xhiron e botës dhe sot të mos kemi drejtësi është e paprecedentë. Kemi 2 prej viktimave pa autorë. Ende pa përgjegjës. Meta largohet çdo 21 janar, ndërsa Berisha e ka bërë komandantin administrator. Komandanti i njësisë së gardës është pjesë e PD, kryetar i PD në Mat. Vartësi i tij, është në krahun tjetër, në PS. Të dy u hoqën nga puna.”
