Ministrja e Mbrojtjes, Olta Xhaçka u ka bërë thirrje të gjithë maturantëve të aplikojnë brenda datës 14 tetor për t’u bërë pjesë e Forcave të Armatosura.  Ministrja Xhaçka, nënvizon se punësimi përmes këtij profili studimesh është i sigurtë. “I dashur maturant, nëse ende nuk je regjistruar në një program studimi, bëhu pjesë e Forcave të Armatosura Shqiptare.

14 tetori është afati i fundit për këdo që do të nisë studimet bachelor në AFA, në shkencat ushtarake”, u shpreh Xhaçka. Pagesë mujore ndihmuese për çdo student gjatë periudhës së studimeve në AFA, akomodim dhe ushqim falas për tre vitet e studimit, tarifë studimi zero lekë në vit, punësim i sigurtë pas përfundimit të studimeve janë disa nga avantazhet e kësaj zgjedhjeje.