Operatori i Shpërndarjes së Energjisë Elektrike njoftoi abonentët e energjisë elektrike në Vlorë se do të ketë ndërprerje të pjesshme të energjisë në disa zona. OSHEE shprehet se ndërprerja e energjisë vjen për shkak të remontit në linjën 35 Kv. “Për shkak të remontit të planifikuar në linjën 35kV L30 – 31/2 Uji i Ftohtë – Radhimë-Orikum, në datën 26 maj gjatë intervalit kohor 07:00-08:00 dhe 16:00-18;00 do të stakohet energjia në disa zona në Vlorë”, shprehet OSHEE. Ndërprerjet do jenë në Radhime, Tragjas, Dukat, Fshat Dukat, Llogara, Jonufer, Orikum, Shën Thanas. Gjithashtu, edhe abonentët e Sarandës do të kenë ndërprerje të energjisë më 26 dhe 28-29 maj.
Me kërkesë të OST e cila do të punojë për shtrimin e fibrës optike në linjën 154kV Bistrice – Mourtos, në datat 26 dhe 28-29 Maj do të stakohet energjia gjate intervalit kohor 08:00-16:00 në këto zona në Sarandë: Dober, Mancet, Shales, Dishat, Verve, Çiflik, Vagalat, Shkalle, Konispol. OSHEE njoftoi abonentët se do ketë stakime të energjisë edhe në disa zona të Tiranës. “Për shkak të remontit të planifikuar në NST Qafë Mollë, në datat 26-27 Maj do të stakohet energjia në këto zona në intervalin kohor 09:00-14:00: Shkallë, Darshe, Qafe Molle, Shenmeri, Dom, Fag, Derje”, shprehet OSHEE
OSHEE njoftoi për ndërprerje të energjisë edhe në Shkodër: Për shkak të punimeve në NST Shkodra 2, në datën 26 Maj gjatë intervalit kohor 08:00-16:30 do të stakohet energjia në këto zona në Shkodër. OSHEE njoftoi po ashtu për ndërprerje të energjisë edhe në Bulqizë: “Për shkak të remontit të parashikuar në NST Shupenzë, në datën 26 Maj gjatë intervalit kohor 09:00-16:30, do të stakohet energjia në disa zona në Bulqizë.
