Teksa pritet që të nisë seanca plenare e ditës së sotme, disa deputetë demokratë kanë zënë karriget e ministrave.
Kjo vjen pasi demokratët ditë më parë kanë paralajmëruar qëndresë në seancën plenare të ditë së sotme, pas rrëzimit që mazhoranca i bëri tre kërkesave të tyre për ngritjen e komisioneve hetimore, përbërjes së Komisionit të Reformës Elektorale, si dhe përjashtimit të deputetëve nga punimet e Kuvendit.
Sali Berisha ka qenë ai që ka folur nga foltorja duke kërcënuar deputetët socialistë që kanë kërkuar të zhvillohen normalisht pumite.
“Pusho ti Çuçi, pusho se do ju nxjerrim përjasht. Kjo Felaj ka pasur burrin peng nga bandat se i kishte vënë gjoë kur ishte prokurore. Ka gojë dhe flet ajo” – tha Berisha.
Ndërkohë. sipas rendit të ditës në Parlament pritet të zhvillohet një interpelancë me ministren e Kulturës, Elva Margariti. Inerpelanca është kërkuar nga deputetja demokrate Ina Zhupa.
