Presidenti turk Rexhep Tayip Erdogan ka deklaruar se “Putini është shumë më i butë tani dhe më i hapur ndaj dialogut sesa më parë”, për përfundimin e luftës në Ukrainë.
“Nuk jemi pa shpresë,” tha Erdogan për mundësinë e negociatave.
“Pashë që Putini është shumë më i butë tani dhe më i hapur ndaj dialogut se më parë. Do të shohim se çfarë do të ndodhë”, u shpreh Putin në një deklaratë për mediet.
Presidenti turk theksoi se shpreson të zhvillojë bisedime me presidentët e Rusisë dhe Ukrainës në të ardhmen e afërt.
Kremlini, megjithatë tha se një bisedë e re telefonike mes Putinit dhe Erdogan nuk është aktualisht në planet e presidentit rus, por se “ajo mund të organizohet së shpejti.
Lidhur me deklaratat e Erdoganit se “Putini është zbutur dhe është i hapur për dialog më shumë se më parë”, zëdhënësi i Kremlinit, ka reaguar Dimitri Peskov i cili ka thënë se Putini ka qenë i hapur për bisedime me Ukrainën që në fillim.
“Nëse ju kujtohet, presidenti Putin u përpoq të niste bisedimet me NATO-n dhe Shtetet e Bashkuara edhe para operacionit special ushtarak në Ukrainë.
