Kur Jimmy hidhej lart dhe prekte me putra gjoksin e Amanda Evans-Nash, ajo e largonte atë. Por kur preku me dorë vendin ku qeni i saj vendoste putrat dhe nuhaste, vuri re një gungë që nuk e kishte konstatuar më parë.
Ajo shkoi tek mjeku dhe diagnostikua me kancer të gjirit.
50-vjeçarja nga Prestwich tha: “Kanceri ishte i madh, agresiv dhe ishte përhapur në gjoks. Nuk e di si do përfundonte jeta ime nëse Jimmy nuk do kishte nuhatur në kraharorin tim atë mëngjes. Tani dua të ndërgjegjësoj njerëzit të kontrollohen.”
Firma amerikane BioScentDx, publikoi një studim në fillim të këtij viti, që tregoi se qentë, të cilët kanë receptorë të nuhatjes 10.000 herë më të sakta se njerëzit, mund të nuhasin mostrat e gjakut nga njerëzit me kancer me saktësi gati 97 përqind.
Pas më shumë se 18 javësh kimioterapi, ndjekur nga një operoni në janar 2018 tumori i saj u tkurr. Më pas mjekët i hoqën edhe nyjet limfatike dhe pasi biopsisë doli se ishte “çliruar” nga kanceri.
