Pak ditë më parë u bë hit në rrjet video ku një qytetar i ankohej kryeministrit duke i thënë se i kishin marrë gruan dhe ia kishin çuar në Golem pas tërmetit. “Ma kanë marrë gruan, e kanë çuar në Golem”, shprehej ai.
Qytetari në fjalë quhet Kastriot Gjonaj dhe kishte pak kohë që ishte kthyer nga Franca. Ai nuk kishte mundur të qëndronte si azilant dhe ishte kthyer në fshatin ku jetonte, në Torovicë të Lezhës. “Newsbomb.al” raporton se në oborrin e shtëpisë së Kastriotit kanë humbur jetën të asfiksuar në pus vëllai dhe nipi i tij. Kastrioti jeton në varfëri dhe me punët e rëndomta që mund të siguronte, dërgonte në shtëpi ndonjë kacidhe për të vijuar sërish e njëjta situatë.
Ai shkoi në Durrës tek e motra, por në kushtet e një traume që preku çdo banor të Durrësit, bashkëshortja e Kastriotit u zhvendos në Golem. Ajo nuk kishte kohë për të pyetur Kastriotin që nuk gjendej në shtëpi, ndërsa dy djemtë e tyre, njëri i sëmurë, kanë nevojë për trajtim. Ajo iku për të patur të sigurtë fëmijët, ndërsa Kastrioti nuk di se ku ta kërkojë./newsbomb
