Qeveria e Republikës Çeke është e vendosur të përshpejtojë heqjen e masave të vendosura me qëllim frenimin e përhapjes së koronavirusit, deklaroi ministri i Shëndetësisë. Duke filluar nga 11 maji, institucionet kulturore të vendit mund të rihapen, nëse lejojnë hyrjen e vetëm 100 personave në një kohë.
“Muzetë, galeritë, teatrot dhe sallat e koncerteve duhet të sigurojnë që mes vizitorëve të ruhen distanca minimale”, theksoi ministri i Shëndetësisë, Adam Vojtech. Nga 11 maji do të lejohen ngjarje më të mëdha, si dasma, ngjarje sportive dhe shërbime në kishë me deri në 100 të pranishëm. Parukeritë do të lejohen të rihapen nëse punonjësit mbulojnë të gjithë fytyrën me mjete mbrotëse.
