Ndryshimi i fashës orare të ndalim qarkullimin që hyn në fuqi në orën 17:30 të kësaj të premteje e deri të hënën në orën 5 të mëngjesit, ka bërë që njerëzit të vërshojnë në tregje për të blerë gjithçka që është e nevojshme për më shumë se dy ditë izolim.
Kur jemi në muajin e dytë të gjendjes së fatkeqësisë natyrore, çmimet e fruta-perimeve nuk kanë ndryshime të forta, edhe pse tregtarët i kanë ndarë produktet sipas cilësisë. Situata ekonomike ka bërë që qytetarët të drejtohen më në shumicë drejt produkteve me çmime më të ulëta.
Të pranishëm në këto pika ishin edhe ushtria dhe policia që kujdeseshin për ruajtjen e distancës. Nuk kanë munguar as ndërhyrjet kur perimetri është shkelur. Që nga përhapja e koronavirusit familjarët kanë marrë furnizime më shumë se zakonisht, veprim ky i cili është shoqëruar kështu me luhatje të shpeshta të çmimeve.
