Kryeministri Edi Rama ofroi sërish dialog për studentët protestues, të cilët janë grumbulluar sërish para Kryeministrisë me kërkesën e plotësimit të 8 pikave, por pa pranuar të ulen në dialogun e ofruar që ditën e parë të protestës së tyre.
Përmes një fotoje nga një protestë e famshme e studentëve në Shtetet e Bashkuara, kryeministri Rama sjell rastin kur studentët arritën marrëveshje të favorshme duke ulur në tryezë autoritetet.
“Foto nga një protestë e famshme e studentëve në SHBA, ku pasi protestuan me këmbëngulje duke kërkuar Dialog&Transparencë, studentët arritën t’i ulin në tryezë autoritetet dhe morën një marrëveshje të favorshme”, thotë Kryeministri. /j.p/ ATSH
