Kryeministri Edi Rama në një komunikim online ka njoftuar lehtësime të procedurave për aplikimet në Kadastër. Rama ka sqaruar se tashmë dokumenti i pronës mund të merret online.
Gjithashtu Rama sqaroi se shërbimet kadastrale bëhen me aplikime online dhe me futjen e vulës elektronike, tani më, edhe pjesa tjetër e shërbimit do të behët online. “Tani më nuk kemi sistemin e para disa kohëve. Po kemi Agjencinë Shtetërore të Kadastres, ajo që është me e rëndësishme, shërbimet online, janë pjesë e revolucionit dighital, që e kthen vitin 2020 në një vit të transformimit të madh, për të krijuar një kornizë plot transparencë e llogaridhënie.
Ajo që dua të them pa marrë shumë kohë, pasi sot jemi këtu përmes drejtorit të Kadastrës, dhe drejtoreshës së AKSHIT. Shërbimet kadastrale bëhen me aplikime online dhe me futjen e vulës elektronike, tani më, edhe pjesa tjetër e shërbimit do të behët online. Nuk është më nevoja që në një proces të arsyeshëm tranzicioni s’do të jetë ne nevojshme që të shkohet fizikisht, pasi gjithçka do të bëhet nga shtëpia, nga telefoni.
Faktikisht deri në dhjetor të vitit të shkuar, qytetari do të paraqitej fizikisht, do të aplikonte do kryente pagesën, të priste deri në ditën që t’i thuhej; hajde merr dokumentin. Kështu ishin krijuar qerthujt e tmerrshëm të sekserëve. Tashmë qytetarët aplikojnë online, përmes telefonit. Kemi lehtësuar aplikimin “, u shpreh Rama.