Kryeministri Edi Rama gjatë Asamblesë së Partisë Socialiste ka njoftuar edhe ndryshimet në kabinetin e tij.
Kreu i qeverisë tha se në kabinetin e ri do të ketë 50 % gra.
Risi në ndryshimet e qeverisë është edhe zgjedhja e Erjon Braçes si zv. Kryeministër.
Ministrat që zëvendësohen:
Erjon Braçe zgjidhet zv. Kryeministër
Ikën Ditmir Bushati – Vjen Gent Caka
Ikën Arben Ahmetaj – Vjen Anila Adenaj
Ikën Damian Gjiknuri – Vjen Belinda Balluku
Ikën Lindita Nikolla – Vjen Besa Shahini
Ikën Mirela Kumbaro – Vjen Eva Margariti
Ikën Niko Peleshi – Vjen Bledi Çuçi
Ikën Sonila Qato – Vjen Eduard Shalësi
Hapet Ministria për Marrëdhëniet me Parlamentin – Emërohet Elisa Spiropali
Kryeministri pati një mesazh edhe për ministrat që qëndrojnë. Rama deklaroi e ministrat e ri nuk do të tolerohen nëse nuk do ti japin nje tjeter ritem punes.
***
“Ata janë një pjesë e mirë e kësaj familje, mund të mbaja një fjalë për të gjithë.
Dua ta filloj me Linditën sepse në asnjë mënyrë e vërteta nuk është ajo që duket në këtë moment, por ajo është vënë në qendër të ciklonit dhe për më tepër nuk dua që ta harrojë njëri se askush nuk kërkoi ndyshimin e ministres, apo qeverisë, reforma në arsim është një nga reformat më të plota të arsimit.
Librat, deri dje fëmijët ë këtij vendit futeshin në një xhungël librash mashtrues, 600 tekste u hoqën. Besa Shahini, zëvendës rinisja e arsimit bëhet ministre e Arsmit”.
***
Rama, i ashpër me socialistët: Nuk dal në opozitë për tezet e krushqit tuaj!
Gjatë Asamblesë së PS, kryeministri Edi Rama ka kritikuar ashpër deputetë e zyrtarë të PS që tentojnë të bëjnë punësime selektive në administratë.
Shefi i qeverisë paralajmëroi socialistët se nëse do vijojnë të punësojnë të afërmit e tyre në administratë, më mirë të largohen.
“Kam folur disa herë por kam rënë në vesh të shurdhët. Qeveria nuk janë minisitrat, por të gjithë ata që na përfaqësojnë në territor. Harroni kunata, teze, daja që do të futen në punë. PS nuk mund të shkojë në opozitë për shkak të tezeve, kunatave. Harrojeni ose bëni një gjë të thjeshtë, ikni nga PS dhe pastaj do merremi t’ju rregullojmë në punë të gjithë familjen. Kush nuk është dakord me këtë të shkojë të bëjë parti tjetër”
