Kryeministri Edi Rama uroi sot presidenten e re të Kosovës, Vjosa Osmani, pas zgjedhjes nga Kuvendi i Kosovës. Kreu i qeverisë u shpreh se zgjedhja e Osmanit përmbyll kuadrin institucional të vendit.
“Zgjedhja e Presidentes së re të Kosovës dje nga Kuvendi i Republikës së Kosovës, përmbyll kuadrin institucional të vendit dhe garanton qëndrueshmërinë e nevojshme për t’u fokusuar tek puna për realizimin e programit qeverisës! Qoftë një punë e mbarë dhe e suksesshme për popullin”, – theksoi Rama.
Vjosa Osmani nga Lista Guxo, pjesë e Lëvizjes Vetëvendosje në Kuvend u zgjodh dje presidentja e re e Kosovës. Osmani u zgjodh në raundin e tretë të votimit për President në Kuvend me 69 vota, nga 82 deputetë që morën pjesë në votim.
