Ministri i Jashtëm grek Nikos Dendias ka zhvilluar së fundmi një bisedë telefonike me kryeministrin Edi Rama, mbi marrëdhëniet ndërmjet dy shteteve. Lajmin e ka bërë të ditur, ministri i Jashtëm grek, i cili me anë të një postimi në Twitter ka informuar ndjekësit për bisedën me kryeministrin Rama.
“Fola në telefon me kryeministrin Edi Rama. Marrëdhëniet dy palëshe dhe zhvillimet në rajon ishin fokusi i bisedimeve”, shkruan ministri i Jashtëm grek. Biseda mes dy zyrtarëve të lartë vjen në një moment ku në Mesdhe është rritur tensioni mes Turqisë dhe Greqisë.
