Në këtë raport evidentohen vetëm ato ndeshje apo evenimente sportive mbi të cilat këto kompani bastesh kanë evidentuar parregullsi në fluksin e basteve me shifra, që ndikojnë në tregun botëror të basteve.
Duhet të theksojmë se kjo shoqatë përfshin thuajse të gjithë kompanitë më të mëdha sportive në të gjithë botën dhe ka bashkëpunim të ngushtë me Interpolin dhe Europolin në luftën për të eliminuar fenomenin e trukimeve dhe u raporton atyre rregullisht.
Në vitin 2019, ndryshe nga një vit më parë, në Shqipëri nuk është asnjë ndeshje sportive e dyshuar si e trukuar në nivele te tilla.
E kundërta ndodh me Kosovën, që tashmë ka një ndeshje futbolli të dyshimtë, me të cilën pritet të merren organet të cilëve u raporton kjo shoqatë.
Kështu, mund të themi se vendi jonë ka përmirësim në këtë aspekt, por harta e trukimeve është zhvendosur në Kosovë, ku kontrolli nuk ka qenë edhe aq i madh deri në momentin kur u anëtarësua në UEFA e FIFA.
Një problem mjaft i madh, që ndikon shumë negativisht në garën e ndershme sportive e më pas automatikisht edhe në praninë e tifozëve në stadium, siç e ka vërtetuar shumë mirë futbolli shqiptar.
Duhet të theksojmë se Europa është kontinenti me më shumë ndeshje të dyshuara, plot 87 të tilla. Gjithashtu ky fenomen është mjaft i përhapur në Ballkan, ku në vitin 2019 janë rreth 20 raste të dyshimta. Nga vendet fqinje të Shqipërisë vendin e parë e zë Greqia me katër raste.
